Tarixi

O’zbekiston Respublikasi Vazirlar Mahkamasining 2001 yil 12 iyun 250 sonli «2001-2002 o’quv yilida O’zbekiston Respublikasining Oliy ta’lim muassasalariga qabul to’g’risida» qarori va 2001 yil 28 iyundagi 279 sonli «2001-2002 o’quv yilida O’zbekiston Respublikasi Oliy ta’lim muassasalarining maxsus sirtqi bo’limlariga qabul kvotalari to’g’risida» qarori, 2001 yil 16 avgustdagi 343 sonli «Oliy ta’limning davlat ta’lim standartlarini tasdiqlash to’g’risida» qarori hamda O’zbekiston Respublikasi Oliy va o’rta maxsus ta’lim vazirligining 2000 yil 15 noyabrdagi «Oliy ta’limning sirtqi o’quv shakli to’g’risida Nizom» buyruqlariga asosan Samarqand Davlat universitetida 2001-2002 o’quv yilidan boshlab maxsus sirtqi bo’lim faoliyat yurita boshladi.
Ushbu qaror va buyruqlar universitet ilmiy kengashida 2001 yil 6-noyabr va 26-dekabrda muhokama qilindi. Oliy va o’rta maxsus ta’lim vazirligi tomonidan tavsiya etilgan namunaviy «Oliy ta’limning maxsus sirtqi bo’limi to’g’risida Nizom» va «Samarqand davlat universiteti Nizomi» asosida maxsus sirtqi bo’limning Nizomi ishlab chiqildi va universitet ilmiy kengashida tasdiqlandi.
Ushbu Nizomga ko’ra maxsus sirtqi bo’lim talabalariga universitetning yetakchi professor-o’qituvchilari, fan doktorlari va fan nomzodlari mashg’ulotlarni olib borishlari alohida ta’kidlangan.
2001-2002 o’quv yilida maxsus sirtqi bo’limga 5 ta ta’lim yo’nalishi, ya’ni boshlang’ich ta’lim va tarbiyaviy ish, kasbiy ta’lim, jismoniy tarbiya va jismoniy madaniyat, musiqiy ta’lim, informatika va axborot texnologiyalari yo’nalishlari bo’yicha 141 tа talabalar qabul qilingan bo’lsa, 2003-2004 o’quv yilidan boshlab yana 4 ta ta’lim yo’nalishlari: maktabgacha ta’lim va bolalar sporti, mehnat ta’limi, o’zbek tili va adabiyoti, tojik tili va adabiyoti yo’nalishlariga ham talabalikka qabul qilindi.

Buguni

Hozirgi kunda bo'limda mingdan ziyod talaba tahsil olmoqda. Barcha ta’lim yo’nalishlari bo’yicha tayanch o’quv rejalari asosida ishlab chiqilgan o’quv va ishchi rejalar mavjud. Maxsus sirtqi bo’limning yillik ish rejasi, o’tkaziladigan tadbirlar rejasi va boshqa kerakli me’yoriy hujjatlar tegishli ravishda tasdiqlangan.
Bo’limda o’quv mashg'ulotlari o’zbek, rus va tojik tillarida olib boriladi.
Maxsus sirtqi bo’lim qoshida ilmiy kengash maqomiga tenglashtirilgan oquv uslubiy kengash faoliyat yuritadi. Kengash tarkibiga yetakchi kafedra mudirlari va tajribali professor-o’qituvchilar jalb qilingan.
Ushbu kengash har oyda bir marta chaqiriladi va bo’lim faoliyatini boshqarib turadi. Kengash vakolatiga maxsus sirtqi bo’lim talabalariga mo’ljallab yozilgan muammoli ma’ruzalar matnlari, o’quv, uslubiy qo’llanmalar, sessiya oralig’i mashg’ulotlari topshiriqlari kabi ishlarni chop etish uchun universitet o’quv-uslubiy kengashiga tavsiya etish ham kiritilgan.
Maxsus sirtqi bo’lim mustaqil bilim olish shakli sifatida amalda bo’lib, uning auditoriyalarida o’qiladigan ma’ruza, o’tkaziladigan tajriba va laboratoriya, seminar va amaliy mashg’ulotlar talabaga o’z mustaqil ishini, sessiya oralig'i ishini asosiy va qo’shimcha adabiyotlar bilan ishlash metodlari, texnologiyalari bilan qurollantirishga qaratiladi.
Maxsus sirtqi bo’limda ma’ruza o’qish, amaliy, laboratoriya va seminar mashg’ulotlarini o’tkazishda ilg’or metod va texnologiyalardan foydalaniladi, jumladan, muammoli, interaktiv, ijodiy faoliyatni rivojlantirish, ijodiy vazifalarni guruh bo’lib yechish, hamkorlik pedagogikasi, tabaqalashtirish, individuallashtirish va hokazolar. O’quv jarayonida talabaning sessiya oralig'i ishlari eng asosiy vosita sifatida ishtirok etadi.